“Zarkent g‘ori - Quyoshsiz dunyo" bir kunlik turistik marshruti

• Davomiyligi1 kun
• BoshlanishiToshkent, 08:00

Sayr to‘g‘risida

Ushbu qiziqarli sayohat tabiat, faol dam olish va g‘ayrioddiy sarguzashtlarni yaxshi ko‘ruvchilar uchun mo‘ljallangan. Sayohatning o‘ziga xosligi shundaki, g‘or tabiiy bo‘lib, million yillar davomida inson aralashuviga uchramagan.

Zarkent g‘ori Toshkent viloyati Zarkent qishlog‘idan taxminan 7 km uzoqlikda kichik daryo bo‘yida joylashgan. G‘orda ko‘plab oqib tushgan kalsit hosilalari: stalaktitlar, stalagmitlar, stalagnatlar, rangi oqdan to‘q jigar ranggacha o‘zgaradigan tomchi po‘stloqlari mavjud. G‘orning chuqurligi 102 m, o‘tish yo‘llarining umumiy uzunligi 200 m. Ammo nazariy jihatdan g‘orning chuqurligi 500 m, uzunligi 5-6 km gacha bo‘lishi mumkin. Buning uchun g‘or tubidagi uyumni olib tashlashga harakat qilish kerak.

Sayohat rejasi

Zarkent qishlog‘i

Zarkent qishlog‘i Parkent shahrining eng yuqori qismida joylashgan. Aynan shu yerda keyinchalik Zarkent ota nomini olgan Said Ja’far Foziyning qabri joylashgan. Said Ja’far Foziy Suriyada tug‘ilgan, u Muhammad payg‘ambarning sahobalaridan bo‘lib, Markaziy Osiyoda islom dinini targ‘ib qilgan ilk insonlardan biri edi.

Payg‘ambar sahobalariga nisbatan ta’qiblar boshlangach, Said Ja’far Foziy Toshkent viloyati hududidagi tog‘larning eng baland joyi — Zarkentga qochib ketadi. Zarkent ota maqbarasi bugungi kunda Toshkent viloyatidagi eng mashhur ziyoratgohlardan biri hisoblanadi. Avliyoning qabridan uncha uzoq bo‘lmagan joyda mo‘jizaviy xususiyatga ega muqaddas buloq oqadi, shuningdek Zarkent g‘ori ham joylashgan.

Suratlar